Канадалик рэпер Дрейк Калифорниянинг Инглвуд шаҳридаги Kia форумида ўз концерти чоғида мухлисига қимматбаҳо сумка совға қилди, деб ёзмоқда “Корреспондент.нет” нашри.
36 ёшли хонанда сайтларда тахминан 35 000 долларга сотилган пушти Hermes Birkin сумкасини олдинги қатордаги мухлисга совға тариқасида берди.
TikTok’да эълон қилинган видеода хонанда қўлида қимматбаҳо аксессуар билан саҳнада айланиб, ўз мухлисига сумкани бергани акс этган. Шундан сўнг хонанда мухлиси дастурдан сўнг чиқиб кетаётганида унинг хавфсизлиги таъминланишини қўчимча қилган.
Дрейк 2017 йилда Тhе Hollywood Reporter нашрига берган интервьюсида кўп йиллар давомида Hermes Birkin сумкалари коллекциясини “қачондир кўнгил қўядиган аёли” учун йиғиб келаётганини айтган.
Дрейк бўлажак турмуш ўртоғининг исмини айтмаган, бироқ маълумки, хонанда Рианна, Жулия Фокс, Женнифер Лопес, Кет Дэннингс, Хейли Бибер, Белла Хадид ва бошқалар билан муносабатда бўлган.
