Pixar компанияси «Бошқотирма» мультфильмининг давоми суратга олинишини расман эълон қилди. Бу ҳақдаги миш-мишлар Disney янги лойиҳаларини эълон қиладиган D23 фан-клуби тадбири арафасида пайдо бўлди.
«Қойил. Эми Полер ‘Бошқотирма-2’ мультфильмида ролига қайтади. Ушбу лойиҳага Келси Манн режиссёрлик, Марк Нильсен продюсерлик қилади. Мультфильм сценарийсини Мег Лефов ёзади. Disney ва Pixar ўртасидаги қўшма лойиҳа 2024 йилнинг ёзида чиқарилади», — дейилади хабарда.
Эслатиб ўтамиз, оригинал анимацион фильм 2015 йилда чиқарилган ва кассада 800 миллион доллар йиғган, шунингдек, анимация йўналиши бўйича «Оскар» мукофотини олган.
Мультфильмда Райли исмли қизалоқнинг бошида яшайдиган бешта ҳиссиёт: Қувонч, Қайғу, Қўрқув, Ғазаб ва Жирканиш ҳақида ҳикоя қилинади. Райли аста-секин улғайиб боради, бу унинг ҳис-туйғуларини хотирасида сақлаб қолишга ва ҳалокатли ўзгаришларнинг олдини олишга ёрдам беради.
Янги лойиҳанинг сюжети ҳали ошкор этилмаган.
Мавзуга доир:
