Помидор қайласи қўшилган бақлажонли ўрама спагетти рецепти

Помидор қайласи қўшилган бақлажонли ўрама спагетти тўйимли ва фойдали таомлардан бири. Унга ўзингиз ёқтирган кўкатларни қўшишингиз мумкин.

Керакли масаллиқлар:

• бақлажон — 2 дона
• ўсимлик ёғи — таъбга кўра
• туз — таъбга кўра
• спагетти — 200-300 г
• помидор қайласи — 350-400 мл
• пишлоқ — таъбга кўра
• кўкатлар — таъбга кўра

Тайёрланиши:

1. Бақлажонни узунлиги бўйлаб ингичка қилиб кесиб олинг.
2. Бақлажонни фольга қоғозига солинг ва устини ёғланг. Сабзавотларни бир қатор қилиб теринг, озгина туз қўшиб яна ёғлаб олинг.
3. Бақлажонни тахминан 10 дақиқа давомида 200 даража ҳароратда пиширинг. Кейин бошқа томонини айлантириб ва яна 5-10 дақиқа пиширинг.
4. Спагеттини 10 дақиқа давомида қайнатиб олинг. Ундаги суюқликни тўкиб ташлаб бироз помидор қайласи қўшинг ва аралаштиринг.
5. Маҳсулотлар пишириладиган идишни ёғланг ва унга помидор қайласининг ярмини қўшинг.
6. Бақлажоннинг ҳар бир бўлагига спагетти солинг ва ўрамалар ҳосил қилинг.
7. Уларни идишга солинг, қолган помидор қайласини устига солиб фольга қоғози билан ўранг.
8. Ўрамаларни тахминан 30 дақиқа давомида 180 даража ҳароратда пиширинг. Таомни истеъмол қилишдан олдин устига майдаланган пишлоқ ва кўкатларни сепинг.

Ёқимли иштаҳа! Мавзуга доир:

• Помидор ва қийма қўшиб мазали спагетти тайёрлаймиз. 
• Спагетти, қийма ва соусли «қуш ини» таомини тайёрлаймиз.
• Кечки овқатга қайлали спагетти тайёрланг.