Бор-йўғи 10 дақиқа ичида тайёрланадиган шоколадли фондан рецепти

Lifehacker нашри тақдим этган мазкур рецепт жуда ҳам осон усулда тайёрланади. Шоколадли фондан французча ширинлик бўлиб, уни тайёрлаш учун 5 хил маҳсулот ва атиги 10 дақиқа керак бўлади.

Керакли маҳсулотлар:

• қора шоколад — 90 грамм;
• сариёғ — 35 грамм;
• тухум — 1 дона;
• шакар — 25 грамм;
• ун — 1 ош қошиқ.

Тайёрланиш жараёни:

Ширинликни тайёрлаш сариёғ ва шоколадни эритиб олишдан бошланади. Буни микротўлқинли печ ёки буғда ҳам амалга ошириш мумкин. Аралашма худди ганашга ўхшаши керак.

Шакар билан тухум алоҳида идишда аралаштириб олинади. Таъбга кўра шакар миқдорини камайтириш мумкин.

Юқоридаги икки масса бир-бири билан аралаштирилади ва устидан ун қўшилади.

Ширинлик қолипларига сариёғ суртилади ва тайёр бўлган масса идишнинг ярмигача қуйилади.

Фонданлар олдиндан 180 даражада қиздирилган печда 10 дақиқа давомида пиширилади.

Тайёр бўлгач фонданлар текис идиш устига ўгирилиб, какао, шакар упаси, мева ёки бир қошиқ музқаймоқ билан безатилиб, дастурхонга тортилади.

Ёқимли иштаҳа! Мавзуга доир:

• Қат-қат хамир ва қуюлтирилган сутдан тайёрланадиган мазали рогалик рецепти 
• Қулупнайли десерт: оилангиз ва меҳмонларингизни ҳайратда қолдирадиган 4 та ажойиб рецепт
• Француз аёллари хуш кўрадиган йогуртли торт рецепти
• Бор-йўғи 20 дақиқада тайёр бўладиган мазали рулет рецепти