Жеймс Бонд ҳақидаги «Ўлиш вақти эмас» картинасининг финал трейлери эълон қилинди

YouTube’нинг Жеймс Бонд ҳақидаги расмий канали махфий жосус ҳақидаги 25-фильм — «Ўлиш вақти эмас»нинг финал трейлери билан бўлишди. Бу Дэниел Крейг Бонд ролини ижро этадиган сўнгги картина ҳисобланади, деб хабар беради Esquire.

«У агент 007 га айланганидан буён ҳар бир миссия, ҳар бир қурбон шунга олиб келди», — дейилади трейлерда. Роликда Дэниел Крейг ижро этган Жеймс Бонд ҳақидаги тўртта фильмдан кадрлар кўрсатилган: «‘Рояль’ казиноси» (2006), «Шафқат кванти» (2008), «007: ‘Скайфолл’ координаталари» (2012) ва «007: Спектр» (2015).

Бундан ташқари, бошқа трейлерда кўрсатилган саҳналарни ҳам кўриш мумкин, хусусан, бош ёвуз қаҳрамон Сафиннинг лабораторияси (Рами Малек) тасвирланган. У ўз монологида Бонд махфий жосус ҳақидаги олдинги фильмда қаҳрамон Мадлен Суонни (Леа Сейду) яхши кўриши ҳақида фикр юритади.

Шунингдек, роликда картинанинг АҚШдаги премьераси 8 октябрь куни бўлиб ўтиши ҳам кўрсатилган.

Мавзуга доир: Актёр Дэниел Крейг фарзандларини меросдан маҳрум қилишга қарор қилди. Унинг бойлиги 160 миллион долларга баҳоланмоқда