Тошкент вилояти, Чиноз туманида Damas ЙПХ инспекторининг радар ўрнатилган Nexia’сига бориб урилди. Бу ҳақда ЙҲХББ матбуот хизмати хабар берди.
Воқеа 2 май куни соат 13:15 ларда Чиноз туманидан ўтган М-39 автомобиль йўлининг 862-километрида юз берган. Damas’ни бошқариб кетаётган 40 ёшли ҳайдовчи Р.А. йўлнинг ўнг томонида, йўл ёқасида тўхтаб турган Тошкент вилояти Қибрай тумани ИИБ ЙҲХБ ЙПХ инспекторига бириктирилган, тезликни ўлчовчи мосламалар билан жиҳозланган Nexia-3’нинг орқа томонига бориб урилган.
Оқибатда Damas ҳайдовчиси тан жароҳатлари билан шифохонага олиб кетилган.
ЙТҲ юзасидан Тошкент вилояти ИИББ ЙҲХБ ходимлари томонидан суриштирув ҳаракатлари олиб борилмоқда.
Аввалроқ Тошкент вилоятининг Бўстонлиқ туманида рақамларини беркитиб дрифт-шоу уюштирган ҳайдовчилар жазолангани ҳақида хабар берилган эди. Мавзуга доир:- Сирдарёда махсус эвакуатор устида турган Matiz «тезлигини оширгани сабаб» радарга тушди. ЙҲХББ ҳолат юзасидан маълумот берди
- Самарқандда ЙПХ инспекторлари фуқарони куч ишлатиб, хизмат машинасида олиб кетгани акс этган видео бўйича расмий изоҳ берилди
- Сирдарёда ЙПХ ходимини «ишдан қуритиб юбормоқчи» бўлган ҳайдовчига нисбатан чора кўрилди
