Фото: Аёллар образидаги эркаклар ғашига тегадиган жиҳатлар

Ортиқча макияж, татуаж қилинган қош ва яна нималар эркакларнинг ғашига тегади? Қуйида ушбу саволга жавоб берамиз.

Узун тирноқлар

Керагидан ортиқ узунликдаги тирноқлар нафақат эркаклар, балки бошқаларга ҳам ёқмаслиги аниқ. Қолаверса, гигиеник жиҳатдан ҳам тирноқларни бундай ўстириш тўғри келмайди.

Ошириб юборилган макияж

«Чапланиб олиш» кишининг асл юзини беркитаётгандек, ниқоб тақиб олгандек таассурот беради. Эркакларга табиийлик, меъёрида қилинган макияж ёқади.

Очиқ-сочиқ либос

Биринчи учрашувда аёл ёки қизни очиқ либосда кўриш яхши таассурот қолдирмаслиги аниқ. Либос эгаси феъл-атвори мукаммал бўлмасин, у билан гаплашиб кўрилмагунча ташқи кўринишидан хулоса чиқарилишини ёддан чиқармаслик керак.

Татуаж қилинган қошлар

Ҳар 10 эркакдан 9 нафари татуаж қилинган қошларни жини суймаслиги аниқ. Бундай қошлар аёл кишининг эътиборга ўчлиги, дидсизлигидан далолат беради.

Жуда кўп тақинчоқлар тақиш

Тақинчоқни тақиш керак, аммо меъёрида, дид билан. Ясатилган арча бўлиб олиш яхши таассурот қолдирмайди.

Аёллик жозибасига керагидан ортиқ урғу бериш

Осилиб турадиган зирак, бантик ва бурмали либосни бир вақтнинг ўзида кийиш дидсизликдан бошқа нарса эмас.

Офис услубида кийиниш

Бундай услубда фақатгина иш ёки ўқишга кийиниш керак. Учрашув ёки тадбирга оқ кўйлак ва қора юбкада бориш тавсия қилинмайди. Жиддий кўриниш учун дресс-код кийиш шарт эмас, минимал услубдаги қора оддий кўйлак устидан классик жакет кийиб ҳам кўзланган мақсадга етиш мумкин.

Мавзуга доир: Улама соч, шиширилган лаб ва чизилган макияж. Аёллар ташқи кўринишидаги эркакларга ёқмайдиган жиҳатлар