Тошкент шаҳрида 26 май куни Malibu ва Mercedes-Benz ўртасида тўқнашув содир бўлди. Бу ҳақда ЙҲХББ хабар бермоқда.
Ҳодиса соат 23:00 ларда Олмазор тумани Себзор–Нурафшон кўчалари чорраҳасида юз берган. 1979 йилда туғилган Б.Ш. исмли эркак бошқарувидаги Malibu ва 1975 йилда туғилган Ж.И. исмли эркак бошқарувида бўлган Mercedes-Benz иштирокида тўқнашув содир бўлган.
Тўқнашувдан кейинги ҳолат видеоси ижтимоий тармоқларда тарқалган.
Икки машина иштирокидаги тўқнашув натижасида тан жароҳати олганлар йўқ.
Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Эслатиб ўтамиз, 27 май куни Тошкентда иккита Captiva тўқнашиши оқибатида машиналардан бири ва светофор ағдарилиб кетганди.
