Unicode ташкилоти эможининг 13-версиясини тақдим этди, деб хабар бермоқда TJournal. Унда 117 та эможи — 62 та янги белги ва терининг ранглари ҳамда жинси турлича бўлган 55 та эможи вариантлари бор.
Ташкилот 2020 йилги эможиларда гендер хилма-хилликка урғу берган.
Янги эможилар қаторидан йиғилган бармоқлар, кўзда ёш билан кулиб турган юз, смокинг кийган аёл, фата таққан эркак, анатомик юрак ва ўпка ҳамда бошқа кўплаб эможилар ўрин олган.
Ушбу эможилардан 2020 йилнинг сентябрь—октябрь ойларида фойдаланиш мумкин бўлади. Unicode анонси ташкилот ушбу смайликларни тасдиқлаб, Apple, Google, Samsung ва Microsoft каби копманияларга юборганини билдиради. Энди компаниялар платформалардаги эможилар рўйхатига ўзлари мустақил равишда ўзгартириш киритишлари керак бўлади.
