Чеченистон раҳбари Рамзан Қодировнинг учинчи ўғли — 11 ёшли Адам машҳур «Тирилган Эртўғрул» номли турк сериалида суратга тушди. Бу ҳақда боланинг тоғаси — Шалин тумани раҳбари Турпал-Али Ибразимов маълум қилди, деб ёзади Sputnik.
«Фильмни тасвирга олиш жараёнида ўзининг барча қобилиятини яхши томондан кўрсатди», — деб ёзди Ибрагимов Instagram’да.
Ушбу сериал Чеченистонда жуда машҳур бўлган. Сериал XIII асрда содир бўлган мусулмон турк-ўғузлари тарихий воқеалари асосида тайёрланган.
Сериалда Эртўғрул-бей, Усмон биринчининг отаси – Усмонийлар империяси асосчиси ҳақида ҳикоя қилинади.
Бундан аввал Қодиров оиласи билан бу сериални томоша қилишини айтганди.
2018 йил якунида Туркияга ташрифи чоғида у суратга олиш майдонида бўлиб, режиссёр ва актёрларни Чеченистонга таклиф қилганди.
Апрелда режиссёр Боздаг Меҳмет ва бош қаҳрамон ролини ижро қилган актёрлар Женгиз Жошкун ва Нуреддин Сенмез Грознийга келганди.
https://www.instagram.com/p/ByECTPul-XQ/?utm_source=ig_embed
