Apple компанияси бугун, 30 октябрь куни янги маҳсулотини тақдим этади. Тақдимот Нью-Йорк Бруклин мусиқа академиясида бўлиб ўтади, деб ёзади «Эхо Москви».
Apple компанияси фойдаланувчиларни iPad ва Mac’нинг янги моделлари билан таништиради. Компания мутахассислари турли ўлчамдаги iPad Pro’нинг икки моделини лойиҳалаштирди. Бундан ташқари, юзни сканерловчи Face ID қурилма эгасини таниш тизими ишлаб чиқилган. Наушниклар учун тешикнинг йўқолиши ҳам истисно этилмаяпти.
Ноутбукларни янада тезкор процессор ва яхшиланган тезкор хотира билан жиҳозлаш ваъда қилинмоқда. Янги моделларга қурилмани блокдан чиқариш ва тўловларни тасдиқлаш учун бармоқ изи сканери ўрнатилади.
Apple бир йил аввал эълон қилинган симсиз заряд қурилмасини ҳам тақдим этиши кутилмоқда.
