Samsung компанияси янги Galaxy S8 смартфонида 3,5 миллиметрлик портдан воз кечади, дея хабар бермоқда «Hi-tech.mail.ru». Компаниянинг янги флагмани 4K-экранга эга бўлади, ахир у виртуал реаллик учун дастурларга мўлжалланади.
Samsung янги смартфонни февраль охирида ёки март бошида — MWC 2017 анжумани (27 февраль—2 март) ўтказилаётган вақтда тақдим этади. Бир нечта инсайдерлар Samsung Galaxy S8’да 4K UHD (3840×2160 пикселли) экран бўлишини тасдиқлади.
Шунингдек, Galaxy S8 энг янги Gorilla Glass 5 ҳимоя ойнасига ва Samsung Exynos 8995 чипсетига эга бўлади, у ҳам виртуал реалликка мўлжалланган. Асосий камера иккиталик — 12 ва 13 мегапикселли бўлади, олд камера эса 8 мегапикселли.
Инсайдерлар Galaxy S8 iPhone 7 ва 7 Plus каби 3,5 миллиметрлик портдан айрилишини таъкидламоқда. Бироқ флагман албатта lightning портига эмас, универсал USB Type-C’га эга бўлади.
