АҚШнинг Пенсильвания штати университети тадқиқотчилари ачитқи ва бактериялардан хавфли муҳитларда ишлаш учун мўлжалланган ва қандайдир сабабга кўра, зарар етган кийимларни тузатишга қодир бўлган аралашмани ишлаб чиқди. Тадқиқот натижалари ACS Applied Materials & Interfaces журналида чоп этилди.
Қайта тикланиши керак бўлган мато бир нечта эритмаларга ботирилади, шунда мусбат ва манфий зарядланган полимерлардан иборат полиэлектролит моддаси қатлами ҳосил бўлади. Аралашма таркибига, шунингдек, уреазалар киради, улар ачитқи ва бактерияларда учрайдиган ферментлар бўлиб, сийдик таркибидаги кристалл модданинг аммиак ва углерод диоксидига парчаланишини таъминлайди. Улар ҳимоя либосига тегиши мумкин бўлган заҳарли моддаларни зарарсизлантиради.
Синовлар шуни кўрсатдики, мато бўлаклари бир-бири билан мустаҳкам ёпишиб қолади. Полиэлектролитнинг ўзи ҳалқа тишли калмар сўрғичлари атрофида аниқланган оқсилларга хос хусусиятларга эга.
