Дунёдаги энг оммабоп мессенжер WhatsApp яратувчилари унинг веб-версиясини ишлаб чиқмоқда, деб хабар берди MacDigger.ru. У дастурнинг iOS, Android ва бошқа платформалардаги фойдаланувчилари билан хабарлашиш имконини беради.
GSM Аrena нашри эълон қилган скриншотларда веб-браузер ва компьютерга уланиш таклифи акс этган созламаларни кўриш мумкин. Нашрнинг тахмин этишича, сервис чатларда мулоқот қилиш, файллар билан айирбошлаш ва ёзишмалар тарихини кўриб чиқиш имконини беради.
WhatsApp веб-дастури имкониятлари ҳақида бошқа тафсилотлар ҳозирча йўқ.
