24 карат олтиндан ишланган Apple iPad Air 2 планшети тақдим этилди

Вьетнамнинг Karalux номли компанияси 24 карат, тахминан 480 миллиграм олтиндан ишланган Apple iPad Air 2 планшетларини сота бошлади. Бу ҳақда Phonearena.com сайти хабар берди, деб ёзади «Пароль» нашри.

Аслида iPad Air 2 дунёда энг ингичкалиги ва илк 2 Гб тезкор хотирали Apple планшети эканлиги билан фарқланади. Эндиликда эса унинг олтиндан ишланган турини ҳам харид қилиш мумкин.

Олтин билан ишлов берилган iPad Air 2 планшетининг 16 Гб хотирали турини 1174, 64 Гб хотирали турини 1315 ва 128 Гб хотирали турини эса 1644 доллардан харид қилса бўлади. Шу билан бирга компания Apple iPad mini 3 планшетининг ҳам 24 карат олтин билан ишлов берилган турини 450 доллардан сотмоқда.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Кейинги йилда тахминан 2,9 миллиард киши интернетдан фаол фойдаланаётган бўлади;
• Оила аъзоларининг Samsung Galaxy Note 4’дан қандай фойдаланиши ҳақида реклама роликлари тақдим этилди.