Ўзбекистонда янги Doogee Voyager 2 смартфони 440 минг сўмдан сотила бошланди

Тошкент шаҳридаги «Флешка» савдо мажмуасида янги Doogee Voyager 2 (DG310) смартфони 442 000 сўмдан сотила бошланди. Бу ҳақда Mobinfo.uz маълумотига асосланиб «Пароль» нашри хабар берди.

Смартфонда 5 дюйм 450×854 пикселли дисплей, 1,3 ГГц частотага эга тўрт ядроли процессор, 1 Гб тезкор ва 8 Гб ички хотира (+MicroSD), 1,3 мегапикселли олд ва 5 мегапиксели орқа камера, 2000 мА·соат қувватга эга батарея, Android 4.4 KitKat операцион тизими ўрнатилган. У икки SIM-картада ишлай олади.

Ушбу смартфонда бир қанча қизиқарли функциялар мавжуд. Масалан, унга қўнғироқ бўлиб қолса, уни қулоғингизга олиб борсангиз, автоматик тарзда қўнғироққа жавоб берилади. Шу билан бирга «Capture» дейиш билан суратга олиш мумкин. Смартфон қутиси таркибидан компания тақдим этган ғилоф ҳам ўрин олган.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Беш ёшли болакай Microsoft компаниясининг энг ёш дастурчиси бўлди;
• Microsoft ўз ичида 482 километр йўлни тасвирлаган янги реклама ролигини тақдим этди;
• Android, iPhone, iPad ва Windows Phone қурилмалари учун энг яхши бепул жангари ўйинлар.