O‘zbekiston prezidenti Shavkat Mirziyoyev qisqa muddatli mehnat taʼtilidan qaytdi. Bu haqda davlat rahbarining matbuot kotibi Sherzod Asadov ma’lum qildi.
Qayd etilishicha, bugun, 29-aprel kuni davlat rahbari prezident maslahatchilari, qator vazirlik va idoralar rahbarlarining hisobotlarini tinglaydi.
Shuningdek, joriy haftada prezident III Toshkent xalqaro investitsiya forumi ishida ishtirok etishi rejalashtirilgan.
Shavkat Mirziyoyev 22-apreldan qisqa muddatli mehnat taʼtiliga chiqqandi. O‘zbekiston prezidenti 2023-yil 4-dekabrda ham qisqa muddatli mehnat ta’tiliga chiqqani to‘g‘risida xabar berilgan edi.
Eslatib o‘tamiz, Shavkat Mirziyoyev 2021-yili yanvar oyida qisqa muddatli ta’tilda bo‘lgan edi. Shuningdek, davlat rahbari 2019-yil avgustda ham qisqa muddatli mehnat ta’tiliga chiqqandi. O‘shanda bu Shavkat Mirziyoyevning so‘nggi 17 yillik faoliyatidagi birinchi mehnat ta’tili ekani ta’kidlangan edi.
Izoh (0)