O‘zbekistonda fevral oyi uchun 53,2 milliard so‘m keshbek to‘landi. Bu haqda Davlat soliq qo‘mitasi xabar berdi.
-26sds.jpg)
Qayd etilishicha, umumiy hisobda yil boshidan buyon 62,6 million chek uchun 101,6 milliard so‘m keshbek to‘lab berilgan.
To‘langan keshbeklarning eng katta qismi quyidagi hududlarga to‘g‘ri kelmoqda:
- Toshkent shahri — 46,8 milliard so‘m;
- Toshkent viloyati — 10,3 milliard so‘m;
- Samarqand viloyati — 7 milliard so‘m;
- Farg‘ona viloyati — 6,9 milliard so‘m;
- Andijon viloyati — 4,4 milliard so‘m.
Xarid chekini skanerlagan fuqarolarga keshbek qaytarish amaliyoti
2021-yilning oktyabr oyida prezidentning nazorat-kassa texnikasidan foydalanishni takomillashtirishga doir qarori qabul qilingandi. Hujjat bilan 2022-yil 1-yanvardan boshlab chakana savdo, umumiy ovqatlanish va aholiga maishiy xizmat ko‘rsatish obyektlarida xaridni amalga oshirgan hamda ushbu xaridni soliq organlarining maxsus mobil ilovasida xarid chekini QR-kod yordamida skanerlash orqali ro‘yxatdan o‘tkazgan jismoniy shaxslarga ularning bank kartalariga oy yakuni bilan xarid summasining 1 foizi respublika byudjetidan qaytariladi.
Izoh (0)