Toshkent viloyatining Qibray tumani, “Do‘rmon” MFY, Maʼrifat ko‘chasida joylashgan uylarda 24-mart kuni soat 18:26 da yong‘in sodir bo‘ldi. Bu haqda FVV matbuot xizmati xabar berdi.
Shunga ko‘ra, yong‘in-qutqaruvchilar soat 18:28 da hodisa joyiga yetib borib, yong‘in 19:33 da o‘rab olingan va soat 20:10 da to‘liq bartaraf etilgan.
Yong‘in natijasida bir biriga tutash qurilgan 3 ta xonadonning taxminan 415 kv metr maydonda tomi, shifti va uy-jihozlari yonib zararlangan.
Hodisa oqibatida tan-jarohati olgan va halok bo‘lganlar to‘g‘risida xabar kelib tushmagan.
Hozirda yong‘inning kelib chiqish sababi va moddiy zarar miqdori aniqlanmoqda.
Yong‘inni bartaraf etishga 9 ta yong‘in-qutqaruv ekipaji va 2 ta yordamchi suv tashishga mo‘ljallangan texnika jalb etilgan.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)