Po‘lat Bobojonov IIV rahbarligidan ketdi

Prezident farmoni bilan Aziz Toshpo‘latov O‘zbekiston ichki ishlar vaziri lavozimiga tayinlandi. Bu haqda prezident matbuot kotibi xabar berdi.

3-mart kuni  Oliy Majlis Qonunchilik palatasining navbatdagi majlisida deputatlar O‘zbekiston ichki ishlar vaziri lavozimiga Aziz Toshpo‘latov nomzodini ko‘rib chiqib, ma’qullagandi.

Aziz Toshpo‘latov tayinlovga qadar  Toshkent shahar ichki ishlar bosh boshqarmasi boshlig‘i lavozimini egallab kelgan. O‘zbekiston ichki ishlar vazirligiga 2017-yil sentyabridan buyon Po‘lat Bobojonov rahbarlik qilib kelayotgandi. 

Aziz Toshpo‘latov haqida 

2015—2017-yillarda Namangan viloyati IIB boshlig‘i sifatida ishlagan. 2017-yil noyabridan 2019-yil iyunigacha Samarqand viloyati IIBga rahbarlik qilib kelgan. 2019-yil iyunida u ichki ishlar vazirining birinchi o‘rinbosari etib tayinlangan. 2020-yilning mart oyidan buyon Toshkent shahar IIBB boshlig‘i lavozimini egallab kelayotgandi. U 2021-yilda general-mayor unvoniga ega bo‘lgan.