Markaziy bank xorijiy valyutalarning o‘zbek so‘miga nisbatan 11-avgustda amalda bo‘ladigan qiymatini eʼlon qildi.
Unga ko‘ra:
- dollar 79,04 so‘mga ko‘tarilib, 12 672,81 so‘m bo‘ldi;
- yevro 55,50 so‘mga oshib, 14 753,69 so‘m bo‘ldi;
- rubl 0,40 so‘mga ko‘tarilib, 158,89 so‘mni tashkil etdi.
Bundan avval dollar kursi uch kunlik pastlashdan so‘ng ko‘tarilib, 12 593,77 so‘m bo‘lgandi. Yevro va rubl kursi ham oshgandi. O‘zbekistonda dollar rasmiy kursining yil boshidan buyon eng past qiymati 24-iyunda 12 410,99 so‘mni tashkil etdi.
Markaziy bank ma’lumotlariga ko‘ra, iyun oyida o‘zbekistonliklar tarixda ilk bor rekord qiymatdagi dollar sotib oldi. 2025-yil aprelida aholining banklarga dollar sotishi, may oyidan AQSH valyutasini sotib olishi rekord darajada orta boshladi. Iyun oyida tarixda birinchi marta fuqarolar banklardan 1 milliard dollardan ziyod (1,1 milliard dollar) xorijiy valyuta xarid qildi. Taqqoslash uchun, 2024-yil iyunida 697 million dollar sotib olingan.
O‘zbekiston oltin-valyuta zaxiralari miqdori 2025-yil avgustda 48,74 milliard dollarni tashkil etdi.
Izoh (0)