Surxondaryo viloyati Denov tumanida akasini o‘ldirgan ukaga sud hukmi o‘qildi. Bu haqda “Millar” dasturida xabar berildi.
Unga ko‘ra, beva qolgan onasining boshqa inson bilan qayta turmush qurganidan norozi bo‘lgan o‘g‘il spirtli ichimlik ta’sirida onasi yashayotgan xonadonga borib, janjal ko‘targan.
Shu payt onasiga aytilayotgan haqoratli so‘zlarga chidab tura olmagan o‘gay uka o‘tkir tig‘li jism bilan akasiga jarohat yetkazgan. Oqibatda u bolta bilan akasini urib, uning o‘limiga sababchi bo‘lgan.
Mazkur holat yuzasidan sud ishi Jinoyat ishlari bo‘yicha Denov tumanida ko‘rib chiqildi. Sudlanuvchi uka Jinoyat kodeksining 97-modda 2-qismining “v”, “j” bandlari bilan aybli deb topilib, unga nisbatan 15 yil muddatga ozodlikdan mahrum qilish jazosi tayinlandi.
Toshkent viloyatining Yangiyo‘l tumanida bir oilaning 5 nafar a’zosini o‘ldirib, uyini yoqib yuborgan erkak umrbodga qamalgani, Qashqadaryoda xotinini kelinlari, o‘g‘li va nabiralarining yonida yoqib yuborgan erkakka esa 19 yil muddatga ozodlikdan mahrum qilish jazosi tayinlangani xabar qilingandi.
Izoh (0)