Futbol bo‘yicha Angliya Kubogining 4-roundidan o‘rin olgan uchrashuvda “Leyton Orient” “Manchester Siti”ni 8-fevral, shanba kuni qabul qildi.
Uchrashuvning 19-daqiqasida “Leyton” futbolchisi 40 metr uzoqlikdan zarba yo‘lladi. To‘p Stefan Ortegaga tegib darvozaga yo‘l oldi. Bo‘lim shu hisobda yakunlandi.
Ikkinchi bo‘limning boshida Abduqodir Husanov maydonga tushdi. U yosh Vitor Reysni almashtirdi. 56-daqiqada Riko Lyuiz tepgan to‘p o‘zbekistonlik futbolchiga tegib darvozaga yo‘l oldi. Gol Husanov nomiga yozildi.
Uchrashuvning 79-daqiqasida Grilish to‘pni Kevin De Bryuynega yetkazib berdi. Belgiyalik futbolchining mahorati hisobni 1:2 ko‘rinishiga olib keldi.
Shu tariqa “Manchester Siti” qiyin kechgan mehmondagi o‘yinda g‘alaba qozondi.
Angliya Kubogi.
1/16 final
8-fevral, shanba
“Leyton Orient” – “Manchester Siti” 1:2
Gollar: 1:0 – 16, avtogol Ortega, 1:1 – 56 Husanov, 1:2 – 79 de Bryuyne.
“Leyton Orient”: Kili, Karri, Xepp, Simpson, Jeyms, Braun (Boll, 85), Gelbreyt (Obiyero, 86), Jayesimi (Pretli, 54), Donli (Adjey, 85), Perkins (Kuper, 65), Kelman.
“Manchester Siti”: Ortega, Ruben Diash (Stounz, 46), Reys (Husanov, 46), OʼRayli (de Bryuyne, 72), Lyuis, Gundo‘gan, Niko Gonsales (Bernardu Silva, 22), Grilish, Makati (Foden, 72), Savio, Marmush.
Izoh (0)