Ijtimoiy tarmoqlarda 5-fevral kuni Nukus shahrida joylashgan xususiy bog‘chada tarbiyachi bolalarga qo‘pol munosabatda bo‘lgani va boshqa salbiy holatlar aks ettirilgan videolar tarqaldi. Qoraqalpog‘iston Respublikasi prokuraturasi holat yuzasidan ma’lumot berdi.
Videokuzatuv kameralaridan olingan tasvirlarning birida tarbiyachi bolani shippak bilan urgani, oyog‘i bilan itarib yuborgani aks etgan. Aniqlanishicha, videolavhada aks etgan holat 2024-yil noyabr oyida Nukus shahrida joylashgan xususiy maktabgacha ta’lim tashkiloti tarbiyachisi R.Sh. va yordamchi tarbiyachi D.S. tomonidan sodir etilgan.
Mazkur holat yuzasidan Nukus shahar prokuraturasi tomonidan tergovga qadar tekshiruv harakatlari olib borilmoqda. Natijasiga ko‘ra qonuniy qaror qabul qilinishi Qoraqalpog‘iston Respublikasi prokuraturasi tomonidan nazoratga olindi.
Shu kabi holat 2024-yilda Jizzax viloyati G‘allaorol tumanidagi bog‘chada ham kuzatilgandi. Tarbiyachi bolalarni shippak bilan kaltaklagan. U ishdan olinib, holat yuzasidan jinoyat ishi qo‘zg‘atilgandi.
Toshkentdagi bog‘chada tarbiyachining qo‘pol harakati oqibatida bolaning oyog‘i singandi.
Izoh (0)