O‘zbekiston 2025-yil 1-oktyabrgacha Qozog‘istonga 16 milliard kub metr suv yetkazib beradi. Bu haqda Qozog‘iston Suv xo‘jaligi va irrigatsiya vazirligi xabar berdi.
Tegishli kelishuv Qozog‘iston suv xo‘jaligi va irrigatsiya vaziri Nurjan Nurjigitov va O‘zbekiston suv xo‘jaligi vaziri Shavkat Hamroyev tomonidan imzolandi.
Ma’lum qilinishicha, o‘tgan yilgi sug‘orish mavsumida (2024-yil oktyabridan 2024-yil okytabrigacha) Qozog‘istonga 15 milliard kub metr suv yetkazib berilgan. Joriy mavsumda bu ko‘rsatkich 1 milliard kub metrga oshishi kutilmoqda.
O‘zbekiston tomoni, shuningdek 2025-yilgi sug‘orish mavsumida Do‘stlik kanali orqali suvning barqaror ta’minlanishiga ham ko‘maklashadi. Tomonlar Qozog‘istonning Turkiston viloyati va O‘zbekistonning Jizzax viloyati fermerlarini suv bilan taʼminlashni yaxshilash imkonini beruvchi davlatlararo kanallarda taʼmirlash ishlarini birgalikda olib borishga ham kelishib oldi.
“Sirdaryodagi suv hisobini avtomatlashtirish malasasi ham muhokama mavzusi bo‘ldi. Avvalroq biz bunday tizimlar o‘rnatiladigan har bir mamlakatda 5 tadan dastlabki 10 ta nuqtani aniqlagan edik. Bugun biz loyihaning texnik-iqtisodiy asoslarini ishlab chiqish bo‘yicha texnik topshiriqlarni kelishib oldik. Kelgusidagi qo‘shma harakatlarni muhokama qilish uchun fevral oyida xalqaro tashkilotlar vakillari ishtirokida qo‘shma ishchi guruhning yig‘ilishi bo‘lib o‘tadi”, dedi Qozog‘iston suv xo‘jaligi va irrigatsiya vaziri.
O‘zbekiston suv xo‘jaligi vazirligi axborot xizmati rahbari Shuhrat Suyunov suv yetkazib bo‘yicha davlatlararo kelishuv, daryodan suv olish limitlari borligini, kelishuvga ko‘ra, davlatlar o‘ziga tegishli suvni olishi kerakligini “Daryo”ga ma’lum qilgandi.
Izoh (0)