Ijtimoiy tarmoqlarda YPX xodimi yo‘l harakatini boshqarish davomida tez yordam mashinasini chorrahada kutishga majbur qilib, bir nechta avtomobillar guruhining harakatlanishiga yo‘l ochib bergan holat aks etgan video tarqaldi.
Mazkur holat qizg‘in muhokamalarga sabab bo‘lmoqda. Tez yordam mashinasining yo‘li to‘silishi nafaqat bemorning hayoti uchun xavf tug‘dirishi, balki umumiy yo‘l harakati qoidalariga zid ekani ko‘pchilik tomonidan tanqid qilinmoqda. Shu bilan birga, bu kabi vaziyatlarda ustuvorlikning qanday belgilanishi haqida savollar tug‘ilmoqda.
Ma’lumot uchun, “Yo‘l harakati qoidalari”ning 6-bob “Maxsus transport vositalarining imtiyozlari”ga ko‘ra, tez yordam, o‘t o‘chirish, IIB kabi maxsus xizmat mashinalari sirenasi va maxsus chiroqlari yoqilgan holda harakatlanayotiganda boshqa transport vositalari ularga yo‘l berishi shart.
Haydovchilar maxsus transport vositalarining to‘siqsiz o‘tib ketishini ta’minlash uchun o‘z harakat yo‘nalishini yoki tezligini o‘zgartirishi, kerak bo‘lsa, to‘xtashi lozim.
Hodisa yuzasidan rasmiy tashkilotlar izoh bergani yo‘q.
Izoh (1)
Бизларда бунака холатлар мумкин. Сабаби йул патрул ходими зур "укиган". Зур стол эгасини боласи булиши мумкин. Шунинг учун хеч ким изох бермайди.