Andijon viloyatining Baliqchi tumanida yashovchi 22 yoshli fuqaroning to‘yi munosabati bilan to‘y korteji tuman markazida guruh bo‘lib harakatlangan. Bu haqda MIB axborot xizmati "Daryo"ga xabar berdi.
Ma’lum qilinishicha, mashinadan tanasini chiqarib, videotasvirga olib ketayotgan operator mashinasi viloyat IIB YHXB haydovchi operatori tomonidan to‘xtatilib, qonuniy chora ko‘rilishi bildirilgan.
Biroq kuyov va uning do‘stlari bu holatga qarshilik ko‘rsatib, xizmat vazifasini o‘tayotgan xodim bilan janjallashib, unga tan jarohati yetkazgan.
Holat jinoyat ishlari bo‘yicha Baliqchi tuman sudida ko‘rib chiqilib, huquqbuzarlarga nisbatan 27 mln 200 ming so‘m miqdorida jarima jazosi qo‘llanilgan.
MIB Baliqchi tuman bo‘limi xodimlari tomonidan kuyovdan 27 mln 200 ming so‘m miqdoridagi jarima pullari undirilgan.
Avvalroq Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi.
Shuningdek, Andijonda 20 yoshli qiz mashinadan tanasini chiqarib harakatlangandi.
Shu bilan birga, Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi.
Bundan tashqari, Qoraqalpog‘istonda to‘y korteji haydovchilari 200 dollar uchun yo‘l talashib, bir-biri bilan to‘qnashgandi.
Izoh (0)