Toshkent shahrining Yunusobod tumanida ikki nafar fuqaro giyohvandlik vositasi savdosi bilan shug‘ullanuvchi Telegram kanal reklamasini qog‘oz hamda banner shaklida devor va ustunlarga yopishtirib yurgani aniqlandi. Bu haqda poytaxt IIBB matbuot xizmati xabar berdi.
Surishtiruv ishlari davomida ushbu reklama varaqalarini chop etib bergan shaxs ham aniqlandi.
Reklamachilar guruhidan menga aloqaga chiqib, “Rossiyada ish” deb yozilgan banner bor, deyishdi. Mendan narxlarini so‘rashdi. Manzil yuborsang, ikkitasini ishchilarim sendan olib ketadi, deyishdi”, deydi chop etuvchi shaxs.
Aniqlangan holat yuzasidan MJtKning 56-2-moddasi asosida hujjatlar rasmiylashtirildi.
Huquqbuzarlarning qilmishi Yunusobod tuman sudida ko‘rib chiqildi. Ayblanuvchilarga nisbatan 15 sutkadan maʼmuriy qamoq jazosi tayinlandi.
Giyohvand moddalar savdosi
Mart oyi o‘rtalarida DXX Chegara qo‘shinlari va Namangan viloyati bo‘yicha boshqarmasi harbiy xizmatchilari tomonidan olib borilgan tezkor-qidiruv tadbirlarida katta miqdordagi narkotik moddalarning o‘zbek-qirg‘iz davlat chegarasidan noqonuniy o‘tkazilgan holati aniqlangandi.
Shuningdek, Navoiy viloyatida narkotik moddalar savdosi bilan shug‘ullanuvchi jinoiy guruh qo‘lga olingani, Toshkentda giyohvand moddalar savdosi bilan shug‘ullangan talabalar ushlangani, shuningdek, Samarqanddagi tungi klubda 10 ming AQSH dollari evaziga giyohvand modda sotishga uringanlar qo‘lga tushgani to‘g‘risida xabar berilgandi.
Aprel oyi oxirida Toshkent viloyatida narkokuryerlik bilan shug‘ullangan kollej talabasi ushlangandi.
Oktyabr oyining 10 kuni davomida giyohvandlik vositalarini yashirish yo‘li bilan (“zakladka”) tarqatgan va shunday noqonuniy faoliyat bilan shug‘ullangan 32 nafar shaxs ushlangan.
Izoh (0)