O‘zbekiston energetika vaziri Jo‘rabek Mirzamahmudov BMTning sanoatni rivojlantirish bo‘yicha tashkiloti (UNIDO) bosh direktori Gerd Myuller bilan uchrashuv o‘tkazdi. Bu haqda Energetika vazirligi matbuot xizmati xabar berdi.
Unda bugungi kunda UNIDO bilan ko‘plab sohalarda faol hamkorlik qilinayotgani alohida taʼkidlandi.
Xususan, to‘qimachilik sanoati va kichik iqtisodiy zonalarni rivojlantirish, sanoat bo‘yicha investitsiya loyihalariga moliyalashtirishni jalb qilish yuzasidan amalga oshirilayotgan ishlar holati muhokama qilindi.
Bundan tashqari, istiqbolda energetika sohasida ham keng ko‘lamli ishlarni tashkil qilish bo‘yicha ustuvor vazifalar belgilab olindi.
10-iyun kuni Avstriyaning Vena shahrida Jo‘rabek Mirzamahmudov Xalqaro atom energiyasi agentligi (MAGATE) bosh direktori Rafael Grossi bilan uchrashuv o‘tkazgan edi.
Izoh (0)