Toshkent shahrining Chilonzor tumani, Bunyodkor ko‘chasida 7-may kuni soat 13:30 larda YTH sodir bo‘ldi. Bu haqda poytaxt IIBB YHXB axborot xizmati xabar berdi.
Maʼlum qilinishicha, bir yo‘nalishda harakatlanayotgan Malibu-2, Monza va Onix to‘qnashgan.
Hodisadan so‘ng Onix haydovchisi YTH joyini tashlab ketgan. Holat bo‘yicha Onix haydovchisiga YTH joyini tashlab ketganligi sababli ma’muriy bayonnoma rasmiylashtirildi.
Avtomashinalar vaqtincha saqlash uchun jarima maydoniga qo‘yildi.
Hodisa oqibatida Malibu-2 haydovchisiga shifokorlar tomonidan birinchi tibbiy yordam ko‘rsatilgan.
Hozirda holat yuzasidan Toshkent shahar IIBB YHXB xodimlari tomonidan surishtiruv ishlari olib borilmoqda.
YTHlar statistikasi
O‘zbekistonda 2025-yilning dastlabki uch oyida YTH sodir etishi oqibatida 891 nafar shaxs sudlandi.
2024-yil davomida Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan 3 321 nafar shaxs sudlangan. Ularning 917 nafariga ozodlikdan mahrum qilish jazosi, 2 404 nafariga esa ozodlikdan mahrum qilish bilan bog‘liq bo‘lmagan jazolar tayinlangan.
2025-yilning I choragi mobaynida ushbu modda bilan 891 nafar shaxs sudlanib, ularning 173 nafariga ozodlikdan mahrum qilish jazosi tayinlangan.
Shuningdek, 718 nafar fuqaroga ozodlikdan mahrum qilish bilan bog‘liq bo‘lmagan jazolar tayinlandi.
Aprel oyidagi YTHlar
- Samarqandda avtobus va yuk mashinasi ishtirokida YTH sodir bo‘ldi.
- Farg‘onadagi avtohalokatda Damas ikkiga bo‘linib ketdi (video).
- Namanganda ijaraga mashina olgan maktab o‘quvchilari avariyaga uchradi.
- Toshkentda L7 urib yuborgan Cobalt ariqqa tushib ketdi (video)
- Toshkentda Hyundai bilan to‘qnashgan motosikl haydovchisi halok bo‘ldi (video)
- Jizzaxda Tracker yuqori tezlikda kelib, do‘konga urildi (video)
Izoh (0)