Қозоғистоннинг халқаро сайёҳлик поезди Тошкентга етиб келди, деб хабар бермоқда шаҳар ҳокимлиги ахборот хизмати.
Келтирилишича, бугун, 22 март куни Қозоғистоннинг халқаро сайёҳлик поезди — “Жибек Жолй” (Ипак Йўли) Тошкент марказий вокзалига етиб келди. Пойтахт вакиллари меҳмонларни меҳмондўстлик билан кутиб олди. Поездда келган 400 нафардан ортиқ сайёҳлар Ўзбекистоннинг бой маданияти, урф-одатлари ва тарихий мероси билан танишиш имкониятига эга бўлади.
Қайд этилишича, ушбу ташриф минтақалараро туристик алоқаларни кенгайтириш ва сайёҳлик йўналишларини янада ривожлантиришда муҳим қадам бўлиб хизмат қилади.
“Жибек Жолй” поезди саёҳатчиларга тарихий шаҳарларга бемалол ташриф буюриш, табиий гўзалликлардан баҳраманд бўлиш ва маданий мерос билан яқиндан танишиш имконини яратади.
Маълумот учун, “Жибек Жолй” сайёҳлик поезди ўзининг илк қатновини ўтган йилнинг ноябрь ойида амалга оширган. Лойиҳанинг асосий мақсади туризмни ривожлантириш, минтақалараро маданий алоқаларни мустаҳкамлаш ва иқтисодий ҳамкорликни кенгайтиришдан иборат. Шунингдек, халқаро туризм йўналишларида қулай ва хавфсиз транспорт тизимини яратиш ҳам муҳим вазифалар сирасига киради.
Ўзбекистон ва Италия The Samarkand express ҳашаматли сайёҳлик поездини йўлга қўяди. Поезд нафақат транспорт воситаси, балки йўловчиларга қадимий ва замонавий Ўзбекистон тарихи, анъаналари ва турмуш тарзи билан танишиш имкониятини берувчи маданий алмашинув платформаси бўлади.
Изоҳ (0)