Ўзбекистонда тижорат банклари томонидан аёллар тадбиркорлигини ривожлантириш учун қулай молиявий пакетлар тақдим этилади.
Мисол учун, “Миллий банк” хизматлар соҳасида камида 200 минг нафар хотин-қизнинг лойиҳаларига кўмаклашади. “Turonbank” АТБ лимончиликда 150 минг нафар аёллар даромад топиши учун арзон кредитлар тақдим этади.
Худди шунингдек
- “Микрокредитбанк” АТБ паррандачиликда — 160 минг нафар,
- “Саноат қурилиш банк” АТБ сабзавот ва кўчатлар етиштиришда — 160 минг,
- “Халқ банки” узум, брокколи ва маҳаллий карам етиштиришда — 150 минг,
- “Агробанк” боғдорчилик йўналишида — 144 минг,
- “Бизнесни ривожлантириш банки” кўкат, булғор қалампири, бақлажон ва помидор етиштиришда — 94 минг,
- “Асакабанк” фармацевтика ва узумчиликда — 82 минг,
- “Алоқабанк” IT, асаларичилик ва мевали экинлар етиштиришда 58 минг нафар аёлларни банд этишга кўмаклашади.
Президент Кўксарой қароргоҳида Халқаро хотин-қизлар куни муносабати билан ўтказилган тадбирда 2025 йилда 2 миллион нафар аёллар бандлигини таъминлаш, шундан 1 миллион 300 минг нафар хотин-қизни тадбиркорликка жалб этиш бўйича катта марралар олинганини айтганди. Юқоридаги молиявий пакетлар уларга шу мақсадда тақдим этилади. Аёллар тадбиркорлигини ривожлантириш бўйича 4 босқичли янги тизим йўлга қўйилади.
Бу йил маҳаллаларда аёллар тадбиркорлиги лойиҳалари учун қўшимча 3,3 триллион сўм ажратилади. Бунга қўшимча равишда тижорат банклари ҳам 100 миллион доллар жалб қилиб, маҳаллаларда ўзини ўзи банд қилган хотин-қизларга 50 миллион сўмгача гаровсиз кредитлар ажратади.
Изоҳ (0)