Сўнгги вақтларда Uzinfocom жамоаси томонидан яратилган MyID расмий сервисига ўхшаш сохта веб-сайтлар ва иловалар яратиш билан боғлиқ фирибгарлик ҳолатлари кўпайгани қайд этилди.
Фирибгарлар оммавий равишда хабарлар (SMS, мессенжерлар, ижтимоий тармоқлар, электрон почта орқали) юборишмоқда ёки оммабоп интернет-платформаларда “сохта иловани юклаб олиш”, “маълумотларни тасдиқлаш”, “фойда олиш” ёки “хизматни фаоллаштириш” учун ҳаволага ўтишга чақирувчи мақсадли рекламаларни жойлаштирмоқда.
Шу муносабат билан Uzinfocom компанияси фойдаланувчиларга муҳим огоҳлантириш эълон қилди.
“Uzinfocom’нинг расмий MyID маҳсулотининг бундай фирибгарлик ҳаракатлари билан ҳеч қандай алоқаси йўқ”, дейилади компания хабарида.
Фирибгарларни қандай аниқлаш мумкин?
MyID ҳеч қачон бошқа сайтларга ҳаволалар юбормайди ва шубҳали ресурслар орқали шахсий маълумотларни узатишни талаб қилмайди.
MyID расмий иловаси фақат қуйидаги ҳаволалар орқали мавжуд:
Uzinfocom’нинг таъкидлашича, MyID’ни фақат расмий иловалар дўконларидан юклаб олиш зарур.
Иловани бошқа манбалардан юклаб олиш шахсий маълумотлар ва молиявий маблағларнинг йўқолишига олиб келиши мумкин.
“Агар сиз шундай фирибгарлик ҳаракатларига дуч келсангиз, зудлик билан ҳуқуқ-тартибот органларига ёки Киберхавфсизлик марказининг ишонч телефонига мурожаат қилинг. Ушбу маълумотни яқинларингиз ва дўстларингиз билан бўлишишингизни сўраймиз — биргаликда фирибгарликнинг олдини олишимиз мумкин!”, дейилади компания хабарида.
Изоҳ (0)