АҚШ Киевга ҳарбий ёрдамни қисқартирган тақдирда, Буюк Британия қўшинларини Украинага юбориши мумкин. Бу ҳақда Британия собиқ бош вазири Борис Жонсон маълум қилди.
Жонсоннинг таъкидлашича, Украинанинг мағлубияти Россиянинг бошқа Европа давлатларига, хусусан, “Болтиқбўйи ва Грузияга нисбатан тажовузи” учун йўл очиб беради.
Агар Украина йиқилса, чегараларимиз ёнида ва Россия билан чегарадош бўлган бутун Европа қитъасидаги демократияларда катта таҳдидга дуч келамиз, деди сиёсатчи.
У Украинани қўллаб-қувватлашнинг узоқ муддатли молиявий афзалликларини таъкидлаб, ёрдамдан воз кечиш келажакда Буюк Британия учун анча катта харажатларга олиб келишини билдирди.
Бу ҳақиқатан ҳам давлат маблағларининг фойдали сармоясидир. Агар ҳозир ёрдам бермасак, кейинчалик ўз чегараларимизни ҳимоя қилиш учун анча кўп маблағ сарфлашимизга тўғри келади, деди Жонсон.
Унинг таъкидлашича Украина мағлубиятга учраса, Британия ўз иттифоқчиларини ҳимоя қилиш учун Россия билан тўғридан-тўғри ҳарбий тўқнашувга киришишга мажбур бўлади.
Эҳтимол, Британия қўшинларини Украинани мудофаа қилиш учун юборишимизга тўғри келади, дея огоҳлантирди Жонсон.
АҚШнинг янги сайланган президенти Дональд Трампнинг Украинага нисбатан муносабати ҳақида гапирар экан, Жонсон Республикачилар партияси ичида турли хил қарашлар мавжудлигини айтди. У республикачиларнинг бир қисмини Россия президенти Владимир Путинга хайрихоҳлиги учун танқид қилди.
Шунингдек, айнан республикачи раҳбар Киевга Javelin танкка қарши ракета комплексларини етказиб беришга рухсат берганини эслатди. Мазкур комплекслар Украина Қуролли кучларининг мудофаа қобилиятини мустаҳкамлашда муҳим рол ўйнаган.
Бу ёрдамсиз Киев учун жанг бутунлай бошқача якун топиши мумкин эди, деди у.
Украинага кейинги ҳарбий ёрдам сўроқ остида
10 ноябрь куни АҚШнинг сайланган президенти кичик ўғли Дональд Трамп Киевга ҳарбий ёрдам кўрсатиш доирасида Украинага ажратиладиган маблағни қисқаришини айтди. У Instagram саҳифасида Украинага пул юборишни масхара қилувчи видео жойлаштирди. Монтаж қилинган кадрларда Украина президенти Владимир Зеленский Дональд Трамп билан ёнма-ён турган, сўнгра камера аста-секин Зеленскийга қаратилади ва унинг устига долларлар ёғила бошлайди.
38 кунда кейин нафақангдан маҳрум бўласан, дейилган видеога изоҳда.
Эҳтимол, гап 17 декабрь куни бўлиб ўтадиган, республикачи Дональд Трампнинг президентлик сайловларидаги ғалабаси тасдиқланадиган кун ҳақида кетган Сайлов натижаларига кўра, у демократ Камала Ҳаррисни барча еттита тебранувчи штатда ортда қолдириб, ғалаба қозонди. Трамп 312 та, Ҳаррис эса 226 та овоз олди. Ғалаба қозониш учун эса 270 та овоз олиш лозим.
Изоҳ (0)