Президент Шавкат Мирзиёев 12 ноябрь куни Боку шаҳрида ўтаётган иқлим бўйича саммит доирасида Европа кенгаши раиси Шарл Мишел билан учрашди. Бу ҳақда Президент матбуот хизмати хабар берди.
Ўзбекистоннинг Европа Иттифоқи билан кўп қиррали ҳамкорлигини янада кенгайтириш масалалари кўриб чиқилди.
Кенгайтирилган шериклик ва ҳамкорлик тўғрисидаги янги битимни тез фурсатда қабул қилиш, шунингдек, “Марказий Осиё - Европа Иттифоқи” форматидаги биринчи саммитга тайёргарлик кўришга алоҳида эътибор қаратилди.
Шавкат Мирзиёев 2023 йилнинг июнь ойида Қирғизистонга ташрифи чоғида ҳам Шарл Мишел билан музокара ўтказган эди.
Шунингдек, сентябрь ойида Шавкат Мирзиёев Нью Йорк шаҳрига ташрифи доирасида Европа кенгаши президенти Шарл Мишелни қабул қилганди.
Изоҳ (0)