AVO bank дастлабки кўзлаган бизнес-мақсадларни тўлиқ бажарибгина қолмай, ўзи кутган натижалардан кўпроғига эришишда давом этмоқда. Банк таклиф этаётган маҳсулот ва хизматларга талаб кун сайин ошиб, ўз фаолиятини бошлаганига бир йилдан оз муддат бўлган банкнинг AVO иловасини икки миллиондан ортиқ Ўзбекистон аҳолиси смартфонларига юклаб олдилар.
Банкнинг фойдаланувчилар базаси юқори суръатларда ўсиб бормоқда ва шу орқали таклиф этилаётган рақамли ечимларнинг долзарблиги ҳамда қулайлигини тасдиқламоқда. AVO bank инновацияларни жорий қилган ҳолда, бутун мамлакат бўйлаб мижозлар ишончини қозониб, уларнинг молиявий ҳаётининг ажралмас бўлагига айланмоқда. Банкнинг рақамли хизматлари, шунингдек, AVO платинум кредит картаси ва Ўзбекистонда биринчилардан бўлиб тақдим этилган AVO тўлов стикери сингари ўзига хос маҳсулотларга талабнинг ошиши компания муваффақияти ҳамда янада ўсиб-ривожланиши учун пойдевор бўлиб хизмат қилди.
Акциядорларнинг лойиҳа келажагига бўлган тўлиқ ишончи AVO bank ривожланишида асосий ролни ўйнамоқда. Бизнеснинг янада ривожланиши ва молиявий барқарорликни таъминлаш мақсадида банкнинг ягона акциядори — Руслан Адилбаев, банк устав капиталини ошириш ҳақида қарор қабул қилди.
Тез кунларда 100 миллиард сўмдан ортиқ суммага қўшимча капиталлаштириш бўйича барча расмийлаштириш ишларининг якунланиши кутилмоқда. Банк устав капитали 500 миллиард сўмлик минимал талабга жавоб беради, бу эса 2025 йилда ривожланиш учун мустаҳкам асосни яратади.
Янги маблағларнинг киритилиши AVO bankка келажакка ишонч билан қарашга имкон беради. Келаси йилги режаларимиз нафақат бозорда позициямизни мустаҳкамлаш, балки фойдаланувчилар учун янги хизматларни яратиш, илова имкониятларини кенгайтириш, шунингдек, юртимиз бўйлаб банкомат ва хизматларимиз тармоғини мустаҳкамлашни қамраб олади.
Жадал ўсиб борувчи бозор шароитида AVO bank ўз мижозлари учун энг яхши шартлар ва инновацион ечимлар тақдим этувчи етакчи банклар қаторидан ўрин эгаллашига ишончимиз комил, дея қайд этиб ўтди Руслан Адилбаев.
Марказий банк нормативларига асосан 2025 йилнинг 1 январидан бошлаб банклар устав капиталининг минимал миқдори 500 миллиард сўмни ташкил қилади. 2024 йилнинг март ойида AVO bank 185 740 000 000 сўм қўшимча капитал киритиб, унинг устав капитали 395 151 530 620 сўмдан 580 891 530 620 сўмга ошган эди.
AVO bankнинг навбатдаги қўшимча капитални киритиш қарори унинг стратегик қарашлари ва самарадорликни оширишга тайёрлигини кўрсатади. Бу эса, ўз навбатида, бизнесни ривожлантириш бўйича режаларнинг амалга оширилиши ҳамда Ўзбекистон молия бозорида позицияни мустаҳкамлашга хизмат қилади.
Реклама ҳуқуқи асосида.
Изоҳ (0)