Қашқадарё вилоятининг Қарши шаҳри ҳамда Сурхондарё вилоятининг Денов туманида 372,2 млн сўмлик истеъмолга яроқсиз алкоголь маҳсулотлари топилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Қарши шаҳрида У.Д. “И.С.” МЧЖга қарашли “Қизилтепа” МФЙ ҳудудидаги савдо дўконида қалбаки акциз маркали турли номдаги жами 1 791 дона алкоголь маҳсулотларини сотиш мақсадида сақлаб келган.
Ўтказилган тезкор тадбирда умумий баҳоси 51,2 млн сўмлик алкоголь маҳсулотлари ашёвий далил сифатида олинган.
Шунингдек, “Б.С.” МЧЖ раҳбари Ш.А. “С.Ш.” МЧЖга қарашли Денов тумани “Нурли манзил” МФЙ ҳудудидаги омборхонада 4 турдаги жами 11 697 дона умумий баҳоси 321 млн сўмлик истеъмолга яроқсиз алкоголь маҳсулотларини ўтказиш мақсадида сақлаб келаётганлиги аниқланиб, ашёвий далил сифатида олинган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)