Исроил ҳарбий-ҳаво кучлари ҳалок бўлган “Ҳизбуллоҳ” бош котибининг вориси Ҳошим Сафиeддинни ўлдиргани ҳақида хабар берди, деб ёзади Ливан хавфсизлик хизматидаги манбаларга таяниб Аl-Аrabiya нашри.
Қайд этилишича, Байрутнинг жанубий чеккасида уюштирилган ҳужум 4 октябрга ўтар кечаси Исроил томонидан амалга оширилган.
Телеканалга кўра, ҳаво ҳужумидан кейин Сафиeддин билан алоқа узилган. Унинг бир қанча ёрдамчилари ва “Ҳизбуллоҳ” дала қўмондонлари у билан бирга ҳалок бўлган. Ливан ҳаракатининг ўзи ушбу маълумотни ҳозирча тасдиқламаган.
“Ҳизбуллоҳ” бош котиби Ҳасан Насруллоҳ 27 сентябрь куни Исроил ҳужуми оқибатида ҳалок бўлган эди. У 1992 йилдан буён ушбу лавозимда фаолият юритган.
Нашр Ҳошим Сафиeддин ҳаракатнинг янги бош котиби этиб сайлангани, аммо “Ҳизбуллоҳ” унинг тайинланишини тасдиқламаганини маълум қилган. 1 октябрь куни Исроил армияси Ливан жанубида қуруқликдаги операция бошланганини эълон қилиб, мазкур ҳужумдан мақсад “Ҳизбуллоҳ” инфратузилмасини йўқ қилиш эканини айтган.
Изоҳ (0)