Франция Миллий ассамблеясида Мишель Барнье бошчилигидаги янги ҳукуматга биринчи ишончсизлик вотуми эълон қилинди, деб хабар бермоқда BFМTV. “Мазкур ҳукуматнинг бундай таркиби ва фаолиятига ишончсизлик билдирилмоқда”, дейилади телеканал хабарида.
BFМTVнинг таъкидлашича, Франция парламенти қуйи палатасининг 192 нафар депутати томонидан имзоланган бу демарш Барньенинг Миллий ассамблеядаги нутқидан уч кун ўтиб юзага келган. Канал ташаббуснинг муваффақиятга эришиш имконияти жуда паст эканлигини ҳам билдирди.
“Миллий бирлашиш” партияси ҳукуматга ишончсизлик билдириш учун овоз бермаслигини аллақачон айтган. Ишончсизлик вотумининг яна бир сабаби Барнье ҳукуматининг сиёсий йўналиши, улар томонидан илгари сурилаётган пенсия ислоҳоти ва бюджет лойиҳаси ҳисобланади.
Барнье келаси йил бюджетида 60 миллиард евро тежашни таклиф қилди, шундан 40 миллиардга бюджет харажатларини қисқартириш ҳисобига, яна 20 миллиардга қўшимча солиқлар ҳисобидан эришиш кутилмоқда. Барнье ўз таклифини молиявий инқироз хавфи билан асослаган.
Изоҳ (0)