Октябрь ойидан бошлаб йўловчилар Фарғона – Самарқанд – Фарғона, Қўқон – Бухоро – Қўқон ҳамда Қўқон – Термиз – Қўқон йўналишлари бўйича мунтазам авиақатновларда парвоз қилиш имконига эга бўладилар. Авиачипталар аллақачон сотувда!
Uzbekistan Airways гуруҳига кирувчи Silk Avia минтақавий авиакомпанияси ўзбекистонликларнинг мамлакат бўйлаб саёҳатини янада қулай бўлишини таъминлаш мақсадида авиақатновлар тармоғини кенгайтириш устида ишламоқда. Тез орада янги йўналишлар очилиши муносабати билан сиз учун авиачипталар нархи ва парвозлар жадвали ҳақида батафсил маълумот тўпладик.
Фарғона – Самарқанд – Фарғона йўналиши бўйича мунтазам авиақатновлар 8 октябрдан бошланади. Парвоз вақти 1 соат 40 дақиқани ташкил этади. Бир томонга авиачипталар нархи 313 000 сўмдан, Фарғона – Самарқанд – Фарғона йўналиши бўйича эса 626 000 сўмдан бошланади
- Фарғонадан жўнаб кетиш соат 13:00, Самарқандга етиб бориш соат 14:40;
- Самарқанддан жўнаб кетиш соат 15:20, Фарғонага етиб бориш соат 16:40.
Қўқон – Бухоро – Қўқон йўналиши бўйича мунтазам авиақатновлар ҳам 8 октябрдан бошланади. Парвоз вақти 1 соат 50 дақиқани ташкил этади. Бир томонга авиачипталар нархи 327 000 сўмдан, Қўқон – Бухоро – Қўқон йўналиши бўйича эса 654 000 сўмдан бошланади.
- Қўқондан жўнаб кетиш соат 11:40, Бухорога етиб бориш соат 13:30;
- Бухородан жўнаб кетиш соат 14:10, Қўқонга етиб бориш соат 15:30.
Қўқон – Термиз – Қўқон йўналиши бўйича мунтазам авиақатновлар 11 октябрдан бошланади. Парвоз вақти 2 соатни ташкил қилади. Бир томонга авиачипталар нархи 356 000 сўмдан, Қўқон – Термиз – Қўқон йўналиши бўйича эса 712 000 сўмдан бошланади.
- Қўқондан жўнаб кетиш соат 11:40, Термизга етиб бориш соат 13:40;
- Термиздан жўнаб кетиш соат 14:20, Қўқонга етиб бориш соат 16:05.
Авиачипталар аллақачон сотувда ва уларни Silk-avia.com сайтида, Silk Avia иловасида, мамлакатимизнинг барча халқаро аэропортларида ва Uzbekistan Airways Sales филиалида харид қилиш мумкин.
Реклама ҳуқуқи асосида.
Изоҳ (0)