Финляндиядаги НАТО ҳарбий базаси Швеция қўмондонлиги остида бўлади, дея SvD нашри хабар берди.
Хабардор манбаларга кўра, бу чоралар “финлар жанубий ҳудудларни ҳимоя қилишга кўпроқ эътибор қаратишлари” учун амалга оширилмоқда.
НАТО қўшимча кучларининг Лапландияга ўтказилиши июль ойида маълум бўлган эди. Қуруқлик қўшинлари (FLF) базага жойлаштирилади, улар Шарқий Европадаги альянс позициясини мустаҳкамлаш учун мўлжалланган НАТО дастури доирасида фаолият юритади. Тахминларга кўра, база шахсий таркиби асосан шведлардан иборат бўлади ва у ерга 20-50 нафаргача швед офицерлари ҳам юборилиши мумкин.
Шарқда Лапландия Мурманск вилояти ва Карелия билан чегарадош. 2022 йил май ойида Россиянинг Украинадаги ҳарбий амалиёти фонида Финляндия ва Швеция НАТОга аъзо бўлиш учун ариза берган эди. Финляндия 2023 йил 4 апрелда, Швеция 2024 йил 7 мартда альянсга аъзо бўлган. Июлдаги саммитда НАТО давлатлари якуний декларацияда Россияни “энг асосий ва тўғридан тўғри таҳдид” деб атаган.
Изоҳ (0)