Россия ва Украина “49 га 49” формуласи доирасида ўзаро маҳбусларни алмаштирди. Ушбу маълумотни Украина президенти Владимир Зеленский тасдиқлади.
“49 нафар украиналиклар ўз уйларида. Булар Украина ҚК, Миллий гвардия, Миллий полиция, Давлат чегара хизмати аскарлари, шунингдек, тинч фуқароларимиздир”, деб ёзди у.
Россия ҳарбий хизматчиларини қидириш ва уйларига қайтариш бўйича ҳаракат ҳукумат Курск вилоятида асирликка олинган рус ҳарбий хизматчилар қайтарилганини хабар берган. Улар орасида муддатли ҳарбий хизматга чақирилганлар бор-йўқлиги номаълум. Уйга қайтган рус аскарлари рўйхати кейинроқ эълон қилинади.
Бу Украина армиясининг Курск вилоятига ҳужуми бошланганидан кейин иккинчи ҳарбий асир алмашишдир.
“115 га 115” форматида асирлар алмашиш
24 август куни Украина ва Россия Курск вилоятида биринчи марта “115 га 115” форматида ҳарбий асирларни алмашди. Киевда ҳам, Москвада ҳам озод қилинган ҳарбийлар ҳақида маълумот берилди. Украина мувофиқлаштирувчи штабининг аниқлик киритишича, озод қилинганлар орасида ҳарбий денгизчилар, чегарачилар, шунингдек, Мариуполнинг 82 нафар ҳимоячиси бор, улардан 50 нафари “Азовстал”ни ҳимоя қилган.
Украинанинг Курск вилоятига ҳужумидан икки ой олдин Россия президенти Владимир Путин ҳарбий асирлар сонини айтганди: халқаро оммавий ахборот воситалари билан мулоқот чоғида у Украинада 1348 нафар россиялик, Россияда эса 6465 нафар украиналик асирда эканини билдирган.
“Муҳим воқеалар” нашри “Бизнинг чиқиш” ҳаракати рўйхати ва очиқ маълумотларга асосланиб, Украинада камида 19 нафар россиялик муддатли ҳарбийлар айирбошланганидан кейин асирликда қолишини ҳисоблаб чиқди. Яна 66 нафари бедарак йўқолган.
Украинанинг Курск вилоятига ҳужумидан икки ой олдин Россия президенти Владимир Путин халқаро оммавий ахборот воситалари билан мулоқот чоғида Украинада 1348 нафар россиялик, Россияда эса 6465 нафар украиналик асирда эканини қайд этган.
Изоҳ (0)