Бухоро вилоятида яшовчи Ё.М. ички ишлар органларига мурожаат қилиб, банк картасидан 16 млн 410 минг сўм миқдоридаги пул маблағи номаълум шахс томонидан ўзлаштирилганлигини маълум қилган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида, мазкур жиноятни Қорақалпоғистон Республикасида яшовчи А.Ж. содир этгани аниқланган.
Унга кўра, А.Ж. Telegram орқали ёлғон эълонлар остида сохта ҳавола жўнатиб келган. Бу эълонга ишонган Ё.М.нинг банк карта маълумотларини қўлга кириб, иккинчи фойдаланувчи сифатида уланиб олган ва унинг ҳисобидаги 16 млн 410 минг сўм миқдоридаги пулни ўзининг фойдаланувида бўлган банк картасига ўтказиб олиб, эҳтиёжлари учун сарфлаб юборган.
Мазкур ҳолат юзасидан А.Ж.га нисбатан Жиноят Кодексининг 168-моддаси (фирибгарлик) 3-қисми билан жиноят иши қўзғатилган.
Изоҳ (0)