Хорватия Украинага энергетика инфратузилмасини тиклаш ва ҳудудларни миналардан тозалаш учун қўшимча 5 миллион евро ажратди. Шарқий Европа ҳисобот бюросига кўра, Хорватия бош вазири Андрей Пленкович бугун Киевдаги матбуот анжуманида бу ҳақда хабар берди.
Украина президенти Владимир Зеленский ҳам Хорватия ҳукумати Киевга мудофаа ёрдамининг янги пакетини тақдим этишини таъкидлади.
![](/static/2024/09/11/zelen22-0XUcmBIx.jpg)
“Жаноб бош вазир, бугунги музокаралар, доимий қўллаб-қувватлаганингиз учун сизга миннатдорчилик билдирмоқчиман, Хорватия томонидан тақдим этилган барча мудофаа ёрдам пакетлари учун ташаккур билдирмоқчиман. Биз турли соҳаларда жуда кучли ўзаро ҳамкорлик қиламиз”, деди Украина президенти.
“Албатта, биз Хорватиянинг Европа Иттифоқига қўшилиш тажрибасини ва бу тажрибани биз билан ўртоқлашиш истагини юқори баҳолаймиз. Жаноб Пленкович ва бутун Хорватия Украинани Европа Иттифоқи ва НАТОга аъзолик йўлида қўллаб-қувватлаётганини ҳам қайд этмоқчиман”, дея қўшимча қилди Зеленский.
Зеленскийнинг таъкидлашича, Пленкович билан биргаликда миналардан тозалаш машиналарини ишлаб чиқариш масаласи муҳокама қилинган.
Изоҳ (0)