Хитой Украинадаги можаронинг дипломатик йўл билан ҳал этилишини қўллаб-қувватлайди. Бу ҳақда Хитой Халқ озодлик армияси генерал-лейтенанти ҳамда армия собиқ вице-президенти Хэ Лэй маълум қилди.
Аввалроқ Хитой Мудофаа вазирлиги матбуот котиби Чжан Сяоган Қўшма Штатлар бошчилигидаги НАТО давлатлари Украинадаги можародан фойда олиш илинжида “оловга мой сепаётганини”ни айтган. Хитой ТИВ расмий вакили Ван Вэньбинь май ойида АҚШ Украинага мисли кўрилмаган ҳарбий ёрдам бераётганини маълум қилган эди.
“Менинг фикримча, Хитойнинг бу масалага муносабатида тўрт жиҳат бор. Биринчидан, Хитой уруш бўлишини истамайди. У давлатлар ўртасидаги қарама-қаршилик ва келишмовчиликларни дипломатик йўл билан, тинч музокаралар ўтказиш орқали ҳал этиш тарафдори. Иккинчидан, биз ҳар икки томоннинг суверенитети ҳурмат қилиниши ва уларнинг хавфсизлиги кафолатланиши кераклигига ишонамиз”, деди Хэ Лэй Пекиндаги 11-Сяншан хавфсизлик форуми чоғида.
Унинг сўзларига кўра, Хитой тинчлик музокараларини ривожлантириш устида ишламоқда.
“Тўртинчидан, биз алоҳида давлатларга яширин мақсадлар йўлида бир томонни қўлида ўйнатишига, шу орқали дунёда тартибсизлик юзага келтиришига қатъий қаршимиз”, дея хулоса қилди Хэ Лэй.
Изоҳ (0)