Швеция ҳукумати мигрантларни ўз ватанига қайтишга ундаш учун молиявий ёрдамни 35 баробарга ошириш ниятида. Бу ҳақда ҳукумат идораси матбуот хизмати хабарида маълум қилинган.
Маълумотларга кўра, бюджет лойиҳасида ҳукумат миграция сиёсати учун 2025 йилда 513 млн крон (49,63 млн доллар), 2026 йилда 2 млн 559 минг крон (247,55 млн доллар), 2027 йилда 1 млн 357 минг крон (137 миллион доллар) 1 млн 357 минг крон (131 млн доллар) ажратади.
Қайд этилишича, вазирлар маҳкамаси қочқинларни қабул қилиш ва уларни қайтариш, ноқонуний миграцияга қарши курашни янада самаралироқ ташкил этишни таклиф қилмоқда. Шунингдек, баёнотда пул хорижликлар устидан ички назоратни кучайтириш ва миграция судлари бюджетларини кўпайтиришга йўналтирилиши қайд этилган.
Ўз ватанига қайтишни хоҳловчиларни молиявий қўллаб-қувватлаш Швецияда 1984 йилдан бери мавжуд. Ҳозирда у киши бошига 10 минг крон (935 доллар) ва оила бошига кўпи билан 40 минг крон (3,7 минг доллар) тўғри келади. Расмийларга кўра, 2026 йилга бориб уни бир киши учун 350 минг кронга (деярли 34 минг доллар) ошириш таклиф қилинмоқда.
Изоҳ (0)