Беларусь президенти Александр Лукашенко баъзи собиқ совет давлатлари Россияга ҳеч нарса таклиф қилмасдан, ундан фойда олишга интилаётгани ҳақида фикр билдирди. У бу ҳақда “Россия” телеканалига берган интервьюсида маълум қилган.
![](/static/2024/08/21/photo_2024-08-21_10-25-39-EdAnBeqO.jpg)
Биз Россия билан аслида бир қайиқдамиз. Агар у ағдарилиб кетса, биз ҳам бирга чўкиб кетамиз. Иттифоқчилик муносабатларимизни яширишнинг ҳожати йўқ. Биз ўзимизни Россияга ҳеч нарса бермай, ундан фақат олишни истайдиган баъзи бошқа давлатлар каби тутмаймиз”, деди Лукашенко.
Беларусь президенти бундай ҳолат узоқ давом этолмаслигини таъкидлади.
“Россиядан ёрдам сўрашингиз керак бўлган пайт яқинлашмоқда. Қозоғистонда бўлгани каби инқироз юз берганда, ҳамма Путиндан ёрдам сўрайди. Биз (КХШТ) тезкорлик билан ҳаракат қилиб, у ерга кучларни жўнатдик ва тартибсизликларни бартараф этдик”, деди у.
Лукашенко фавқулодда вазиятларда МДҲ мамлакатлари яна Россия ва Беларусдан ёрдам сўрашига ишонч билдирди. Шунингдек, собиқ иттифоқ ҳудудида иқтисодий алоқаларни сақлаб қолиш муҳимлигини айтди.
“Қозоғистон ёки Ўзбекистон маҳсулотларини Америка ёки Евроиттифоқда ким кутмоқда? Йўқ, улар Россияга сотишга интилишмоқда. Бизда умумий бозор бор ва уни йўқотиш мақсадга мувофиқ эмас”, дея таъкидлади Лукашенко.
Бундан ташқари, у Арманистондаги вазият ҳақида фикр билдириб, мамлакат “МДҲ давлатларидан бошқа ҳеч кимга керак эмас”лигини айтди.
Майли, ўз иқтисодиётларини ривожлантиришсин ва ўз ресурсларига таянишсин. Қандай Франция ёки Макрон? Эртага у йўқ бўлади ва ҳамма Арманистонни унутиб юборади, дея Лукашенко сўзларидан “Газета.uz” иқтибос келтирди.
Изоҳ (0)