Баҳодир Бекхўжаев Наманган вилояти Транспорт бошқармаси бошлиғи этиб тайинланди. Бу ҳақда “Дарё” мухбири Азизбек Абдувалиев хабар бермоқда.
Фото: Наманган вилоят ҳокимлиги ахборот хизмати
Баҳодир Бекхўжаев 1972 йили Наманган шаҳрида туғилган. Наманган саноат-технология институтини тамомлаган, мутахассислиги муҳандис-қурувчи.
Меҳнат фаолиятини Наманган агросаноат қурилиш ҳиссадорлик жамиятида сифат назорати бўйича усталикдан бошлаб, иш юритувчи, иш устаси, техника хавфсизлиги муҳандиси вазифаларида ишлаган.
Кейинчалик ҳокимлик, бошқарма ва ташкилотларда турли лавозимларда фаолият юритиб келган. 2013—2017 йилларда эса Наманган шаҳри ҳокими бўлган.
Тайинловга қадар у Норин—Сирдарё ирригация тизимлари ҳавза бошқармаси бошлиғи ўринбосари вазифасида ишлаб келаётган эди.
Изоҳ (0)