Корея Республикасида 2024 йилда офтоб уриши ва иссиқлик таъсири билан боғлиқ ўлимлар сони 21 тага етди. Бу ҳақида Жанубий Корея Ички ишлар ва хавфсизлик вазирлиги маълумот берди.
“20 майдан 11 августгача бўлган даврда жазирама ва унинг оқибатлари билан боғлиқ шикоятлар бўйича 2293 нафар бемор касалхонага мурожаат қилган. 2023 йилнинг худди шу даврида 2 139 нафар бемор ва 28 та ўлим ҳолати қайд этилган эди”, дейилади вазирлик хабарида.
Сеулда 13 август ҳолатига кўра, кетма-кет 23-тропик кеча қайд этилди.
Маълумот учун, агар соат 18:01 дан 09:00 гача ҳаво ҳарорати 25 даражадан пастга тушмаса, бу тропик тун деб аталади.
Изоҳ (0)