Суриялик 17 ёшли Халил Ҳ. Германияда ўтказган сўнгги икки ярим йил давомида 34 та жиноий жиноят содир этган, дея Bild хабар берди.
Маълум бўлишича, Штутгартдаги пичоқли ҳужумдан сўнг, суриялик қочқин ниҳоят ҳибсга олинган.
Bild’га кўра, Суриянинг Ҳалаб шаҳридан Германияга қочган Халилнинг деярли барча оила аъзолари Германия ҳуқуқ-тартибот идоралари назорати остида. Оила Германияда камида 110 та жиноят содир этган. Халилнинг икки укаси ҳозирда қамоқда, отаси ва ўнта укасидан тўққиз нафари эса полиция ҳисобида туради. Полиция маълумотларига кўра, Халилнинг фақат онаси ва бир нафар опаси ҳали ҳеч қандай жиноят содир этмаган.
Халилнинг отаси Абд Алмудий 2016 йилда қочқинлар инқирози авжига чиққан пайтда Германияга келган. Сурияда унинг иккита хотини бўлган, улардан бири, баъзи манбаларга кўра, Германияга қочиб кетаётганда вафот этган. Алмудий Германияда 12 та жиноят содир этган, улардан 7 таси зўравонлик билан боғлиқ бўлган узоқ жиноят тарихига эга. Зўравонлик жиноятларининг аксарияти унинг қизи Мутияга қаратилган.
Мутиянинг ўзи 4 та жиноят содир этган, унинг синглиси Фахрия 18 ёшда бўлишига қарамай, аллақачон 14 та жиноят содир этишга улгурган. Унинг акалари Холид (саккизта жиноят) ва Эдо (еттита жиноят) ҳозирда қамоқ жазосини ўтамоқда.
Уларнинг 14 ёшли укаси Мустафо вояга етмаганлар учун махсус муассасада бўлиб, 21 та жиноятда айбдор деб топилган. Мазкур оиланинг 12 ёшли аъзоси Али ҳам Жиноят кодексининг учта моддаси бўйича айбланмоқда.
Изоҳ (0)